محترم الحاج سید کریم هاشمی رئیس عمومی اتاق تجارت و سرمایهگذاری افغانستان، در حضور داشت محترمان: الحاج حبیبالله عمر معاون امور اجتماعی و فرهنگی اتاق و الحاج یوسف یوسفی عضو هیئت مدیره اتاق، با محترم داکتر سعدی شریفی سفیر جمهوری تاجیکستان مقیم کابل، در دفتر ریاست عمومی اتاق دیدار و گفتوگو نمود.
در این نشست، هر دو جانب روی گسترش همکاریهای اقتصادی و تجاری میان افغانستان و تاجیکستان بحث و تبادل نظر کردند.
آقای هاشمی، کشور تاجیکستان را دوست خوب و دارای مشترکات فرهنگی با افغانستان خوانده و روی توسعه بیشتر روابط تجاری، ایجاد اتاق مشترک افغان- تاجیک و تسهیل در روند صدور ویزه تاجیکستان برای تاجران افغان تاکید ورزید. وی، از سفیر تاجیکستان خواست که در زمینه نشست های مشترک تجارتی میان تاجران دو کشور و ایجاد فضای دوستانه تجاری میان سرمایه گذاران افغان و تاجیک تلاش های بیشتری را بخرج دهد.
سفیر تاجیکستان، ضمن قدردانی از میزبانی گرم رئیس عمومی اتاق، از آمادگی خویش در زمینه بهبود روابط تجاری و ایجاد فضای مناسب برای تاجران دو کشور جهت تبادل نظریات تجاری و سرمایه گذاری های مشترک اطمینان داد.
